22.04.2026 ж. «Снежинка» бөбекжай-бақшасында «Ойын технологиялары – баланы дамытудың құралы» тақырыбында дөңгелек үстел өтті.
Іс-шараның мақсаты – тиімді ойын технологиялары мен білім беру үдерісін ұйымдастырудағы заманауи тәсілдер арқылы педагогтердің кәсіби құзыреттілігін арттыру.
Дөңгелек үстел барысында «Снежинка» және «Береке» бөбекжай-бақшаларының педагогтері мектепке дейінгі жастағы балалармен жұмыс жасаудағы тәжірибелерімен бөлісті. Қатысушылар тәрбиеленушілердің танымдық белсенділігін, коммуникативтік дағдыларын, шығармашылық ойлауын және эмоционалдық интеллектісін дамытуға бағытталған түрлі ойын әдістері мен технологияларын көрсетті.
Іс-шара ынтымақтастық, кәсіби диалог және жаңа педагогикалық шешімдерді іздестіру атмосферасында өтті. Осындай кездесулер педагогтердің кәсіби шеберлігін жетілдіруге, әріптестік байланысты нығайтуға және мектепке дейінгі білім беру ұйымдарының оқу-тәрбие үдерісіне инновациялық тәсілдерді енгізуге ықпал етеді.
