«Тіл мұрасы» жобасын жүзеге асыру аясында бөбекжай-бақшамызда Қазақстан халқы тілдері күніне арналған танымдық мерекелік іс-шара өткізілді. Мақсаты – балаларды ана тілін құрметтеуге, өзге ұлт тілдері мен мәдениетіне қызығушылықпен қарауға тәрбиелеу, көптілділік ортаның құндылығын түсіндіру. Іс-шара барысында тәрбиеленушілер қазақ, орыс тілдерінде тақпақтар айтып, ән орындап, «Сәлем – сөздің анасы» атты тілдік ойындарға белсене қатысты. Іс-шара балалар бойында тілге деген сүйіспеншілік пен достық, құрмет сезімдерін қалыптастыруға бағытталды.
«Тіл мұрасы» жобасын жүзеге асыру аясында бөбекжай-бақшамызда Республика күніне арналған салтанатты ертеңгілік өткізілді. Іс-шараның мақсаты – балаларға Отанға деген сүйіспеншілік, ел тарихына құрмет және ұлттық құндылықтарды дәріптеу сезімін қалыптастыру. Ертеңгілік барысында бүлдіршіндер Отан, туған жер, тәуелсіздік туралы тақпақтар айтып, патриоттық әндер орындады және ұлттық би биледі. Сондай-ақ республиканың рәміздері, туған елдің жетістіктері туралы танымдық мәліметтер беріліп, көрнекілік құралдар қолданылды. Іс-шара балалардың елін сүюге, туған жерін мақтан тұтуға тәрбиелеуге бағытталды.
«Тіл мұрасы» жобасы аясында бөбекжай-бақшамызда «Астана – арман қала» тақырыбында танымдық презентация ұйымдастырылды. Іс-шараның мақсаты – мектеп жасына дейінгі балаларды елордамыздың тарихы, көрікті жерлері және ұлттық құндылықтарымен таныстырып, туған жерге деген сүйіспеншілік пен патриоттық сезімдерін қалыптастыру. Презентацияда «Бәйтерек», «Хан Шатыр», «Ақ орда» сияқты Астананың сәулеттік нысандары бейнелі слайдтар, ойын элементтері және сұрақ-жауап арқылы түсіндірілді. Балалар қызығушылықпен қатысып, елорда туралы алғашқы білімдерін толықтырды.
«Тіл мұрасы» жобасы аясында біздің бөбекжай-бақшамызда жасанды интеллект көмегімен әзірленген «Айдостың отбасы» атты қысқаметражды мультфильм көрсетілді. Бұл мультфильмнің мақсаты – балаларға отбасы құндылықтарын таныту, туыстық атауларды дұрыс қолдануға үйрету және мемлекеттік тілге деген қызығушылықты арттыру. Көрсетілім барысында тәрбиеленушілер негізгі кейіпкерлермен бірге отбасы мүшелерін атап, жаңа сөздерді есте сақтап, өз ойларын қазақ тілінде жеткізуге мүмкіндік алды. Жасанды интеллектті білім беру үдерісіне енгізу – балалардың тілдік дағдыларын дамытуда заманауи, тартымды әрі тиімді құрал болып табылады.
«Тіл мұрасы» жобасы аясында біздің бөбекжай-бақшамызда «Түстер әлемі» атты дидактикалық ойындар ұйымдастырылды. Ойындар барысында балалар негізгі түстерді ажырату, атау, қоршаған ортамен байланыстыру дағдыларын бекітті. Сондай-ақ сөздік қоры кеңейіп, тілдік қарым-қатынасы мен танымдық белсенділігі артты. Шараның мақсаты – балалардың тілдік қорын байытып, түстер арқылы дүниетанымын дамыту болды.
Қараша айында «Тілге бойлау» бағдарламасы мен «Тіл мұрасы» жобасы аясында педагогтер қауымы үшін «Қазақ тілін үйретуде инновациялық тәсілдер» атты пікірталас-дөңгелек үстел ұйымдастырылды. Іс-шараның мақсаты – қазіргі білім беру кеңістігінде қазақ тілін оқытудың озық тәжірибелерін бөлісу, жаңа әдіс-тәсілдердің тиімділігін талқылау және тіл үйрету үдерісін жаңғыртуға бағытталған педагогтердің кәсіби ынтымақтастығын арттыру.
Дөңгелек үстелде қатысушылар цифрлық ресурстарды пайдалану, коммуникативтік және жобалық әдістер, ойын технологиялары, тілдік орта қалыптастырудың заманауи жолдары жайлы пікір алмасты. Сонымен қатар қазақ тілін үйретуде кездесетін өзекті мәселелер сөз болып, оларды шешудің инновациялық тетіктері ұсынылды.
Іс-шара педагогтердің кәсіби дамуына серпін беріп, қазақ тілін оқытудың мазмұнын жаңарту мен әдістемелік қорын толықтыруға бағытталған маңызды алаң болды.
«Тіл мұрасы» жобасы аясында ата-аналардың үй жағдайында балаларының қазақ тіліндегі сөздерді дұрыс айту дағдыларын қалыптастыруы – жобаның маңызды бағыттарының бірі. Осы мақсатта флипбук оқу материалы ретінде тиімді қолданылып келеді.
Флипбук – ретімен ашылатын шағын кітапша, онда сөздер, буындар, суреттер және дыбыстауға арналған тапсырмалар ықшам әрі көрнекі түрде беріледі. Бұл құрал баланың назарын шоғырландырып, сөздің дұрыс айтылуын естіп, қайталап және есте сақтап үйренуіне мүмкіндік береді.
Флипбукты пайдалану арқылы ата-аналар:
-баламен бірге жаңа сөздерді дұрыс айтуға жаттықтыра алады;
-әр сөзді суретпен байланыстырып, түсінігін нығайтады;
-балаға қазақ тіліндегі дыбыстарды дұрыс артикуляциялауға көмектеседі;
-үйде тілдік орта қалыптастырып, қазақ тілін қызықты форматта үйретеді;
сөйлеу мәдениетін, сөздік қорын және мазмұнды дұрыс жеткізу қабілетін дамытады.
Бұл жұмыс ата-ананың баласының тілдік дамуына қатысуын күшейтіп қана қоймай, отбасындағы қазақ тілінің мәртебесін арттырып, ұлттық тіл мұрасын кейінгі ұрпаққа жеткізуге ықпал етеді.
«Тіл мұрасы» жобасы аясында біздің бөбекжай-бақшада «Сөйле, балақай!» атты тілдік жаттығу сағаты өткізілді. Шараның негізгі мақсаты – балалардың сөздік қорын байыту, байланыстырып сөйлеу дағдыларын дамыту және тілге қызығушылығын арттыру болды. Жаттығу барысында балалар әртүрлі ойындық тапсырмалар орындап, жаңылтпаштар айтып, қысқа өлеңдер мен тақпақтарды жатқа айтып, өз ойларын еркін жеткізуге талпынды. Іс-шара бала тілін дамытуда тиімді әдістерді қолдануға, әрі олардың сөйлеу белсенділігін күшейтуге бағытталды.
«Тіл мұрасы» жобасы аясында біздің бөбекжай-бақшада қыс мезгіліне арналған қызықты әрі танымдық қысқы қозғалыс ойындары ұйымдастырылды. Шараның мақсаты – балалардың қимыл-қозғалыс белсенділігін арттыру, ұлттық ойындар арқылы тілдік қорын байыту және ынтымақтастық дағдыларын дамыту болды.
Іс-шара барысында тәрбиеленушілер әртүрлі қысқы ойын түрлерін ойнап, жылдамдық, ептілік және топпен әрекеттесу қабілеттерін көрсетті. Балалардың көңіл-күйі көтеріліп, қысқы табиғат ерекшеліктері мен ұлттық құндылықтар жайлы мағлұматтар ұсынылды.
Жалпы, өткізілген ойындар оқу-тәрбие үдерісін жандандырып, балалардың денсаулығын нығайтуға және тілдік-мәдени дамуына оң әсерін тигізді.