Біздің бөбекжай-бақшамызда «Салт-дәстүрім — берекем» атты тәрбиелік мәні зор іс-шара өтті. Шараның мақсаты – балаларға қазақ халқының салт-дәстүрлерін таныстыру, ұлттық құндылықтарға деген құрметін қалыптастыру.
Іс-шара барысында тәрбиеленушілер қазақтың әртүрлі салт-дәстүрлерін сахналық көріністер арқылы көрсетіп, өз өнерлерін ортаға салды. Балалар ұлттық киім киіп, дәстүрлердің мәнін түсіндіріп, көрермендерге ерекше әсер сыйлады.
Мұндай іс-шаралар жас ұрпақтың ұлттық рухын нығайтып, ата-баба мұрасын құрметтеуге тәрбиелейді.
