2025 жылы «Снежинка» бөбекжай-балабақшасында «Театрландырылған ойындар арқылы сөйлеу дағдыларын дамытуға бағытталған жаттығулар» тақырыбында мастер-класс ұйымдастырылды. Іс-шараның негізгі мақсаты – педагогтарға театрландыру әдістерін пайдалану арқылы балалардың сөйлеу тілін, коммуникативтік қабілеттерін және шығармашылық дағдыларын дамыту жолдарын көрсету.
Мастер-класс барысында қатысушыларға театрлық элементтерді қолдану, рөлдік ойындарды ұйымдастыру, дауыс ырғағын, артикуляциялық жаттығуларды және эмоциялық көріністерді дамыту тәсілдері таныстырылды. Педагогтар интерактивті жаттығуларға қатысып, тәжірибеде қолдану әдістерін меңгерді.
Іс-шара нәтижесінде педагогтар жаңа әдістемелік тәсілдермен танысып, театрландырылған ойындарды оқу қызметінде тиімді қолдану туралы практикалық ұсыныстар алды. Мастер-класс кәсіби тәжірибе алмасу алаңы ретінде өз тиімділігін көрсетті.
